मूक भक्ती
नाही कुठे गाजावाजा
ढोल ताशा बॅन्ड बाजा
स्विकारी तु देवराया
मूक भाव हा भक्तीचा. ||१||
घर माझे हे पंढरी
देव उभा माझ्या दारी
देई माझ्या ताटातली
भूकेल्यासी मी भाकरी. ||२||
खिडकीवर ठेवी वाटी
पक्षी तृष्णा शमविती
गरीब मुले घरी येती
ज्ञानार्जने आनंदती ||३||
हीच माझी भक्ती देवा
माणुसकीचा जपला ठेवा
पदरात घेई चुका
माझ्या हातून घडल्या. ||४||
घर दार सांभाळता
तूच पाठीराखा होता
नाती नवीन जोडता
सोडीला मी पाश गुंता. ||५||
देई मजलागी शक्ती
कष्ट श्रमाची पावती
पूर्ण व्हावी माझ्या हाती
समाजाची बांधिलकी ||६||
सुलक्ष्मी सुनील बाळगी
ठाणे
7045350309
