वटपौर्णिमा
स्त्रीच्या जीवनात असतो
पती हाच तिचा परमेश्वर
सावित्रीच्या पतीव्रतासमोर
साक्षात यमराजही निरूत्तर..
सावित्री सुशील बुद्धीमान
तिचा पती हाच सत्यवान
अनमोल निष्ठा प्रेम पाहून
दिला वर सावित्रीला प्राणदान
दीर्घायुषी वृक्षाचे नाते
पतीच्या वयाशी जोडले
निसर्ग पूजनाचे संस्कार
भारतीय संस्कृतीत दडले..
धागा बांधून सुवासिनी
साता जन्माचा सोबती
फेरे घालून वटवृक्षाशी
पतीला दीर्घायुष्य मागती..
सदापर्णी आणि बहुगुणी
वटवृक्षाशी यांची जोडणी
निसर्गसंवर्धन मोल जीवनी
निमित्त वटसावित्री कहाणी..
वृक्ष महात्म्य हेच विज्ञान
मोफत खजिना प्राणवायूचा
जतन करावा ठेवा निरंतर
सारं बहुमोल प्रत्येक सणाचा...
सौ.सुजाता सोनवणे.
सिलवासा दा.न.ह.
