तू होतास की भास... कवयित्री मनिषा भिसे

 

ताडवागळे ग्रामपंचायतीत ऐतिहासिक कामाची सुरुवात

“पाण्याचा हक्क – आता प्रत्येक घरात!”

रायगड - अमुलकुमार जैन 

ताडवागळे ग्रामपंचायत क्षेत्रातील वडवली, ताडवागळे, दळवीखरोशी आणि कोलघर या गावांसाठी आजचा दिवस महत्वाचा ठरला. MIDC कडून मिळणाऱ्या पिण्याच्या पाण्याची नवी पाईपलाईन टाकण्याच्या कामाला आजपासून जलद गतीने सुरुवात झाली असून, या प्रकल्पामुळे संपूर्ण परिसरातील पाणीटंचाईची समस्या लक्षणीयरीत्या कमी होणार आहे.

गेल्या अनेक वर्षांपासून या भागातील नागरिकांना अस्थिर, मर्यादित व अस्वच्छ पाणीपुरवठ्याचा त्रास सहन करावा लागत होता. विशेषतः उन्हाळ्यात परिस्थिती अधिक गंभीर बनत होती. परंतु आज सुरू झालेल्या या प्रकल्पामुळे स्वच्छ, शुद्ध आणि नियमित पाणी प्रत्येक घरापर्यंत पोहोचण्याचा मार्ग मोकळा झाला आहे.

या उपक्रमामागे शिवसेना रायगड जिल्हाप्रमुख राजाभाई केणी यांचे विशेष प्रयत्न आहेत. जनतेच्या मूलभूत गरजा, विशेषतः “पाण्याचा हक्क प्रत्येक घरात” हा त्यांचा दृढ संकल्प प्रत्यक्षात उतरताना ताडवागळे परिसरात दिसून येत आहे. गावोगाव जाऊन नागरिकांच्या समस्या ऐकून त्यानुसार उपाययोजना करण्यावर भर देत त्यांनी हा प्रकल्प जलदगतीने मंजूर करून घेतला.

स्थानिक नागरिकांनी या कामाचे मनापासून स्वागत केले असून, “आजपासून आमच्या गावाच्या विकासाचा नवा अध्याय सुरू झाला आहे,” अशी भावना व्यक्त केली.

या पाईपलाईनच्या कामामुळे केवळ पाणीपुरवठा सुधारण्यापुरतेच नव्हे तर आरोग्य, शेती आणि दैनंदिन जीवनमानात मोठी सुधारणा होणार आहे.

या प्रकल्पामुळे ताडवागळे ग्रामपंचायतीचा पाणीपुरवठा प्रश्न भूतकाळात जाणार असून, गावांच्या सर्वांगीण विकासाला नवे बळ मिळणार आहे.