तू होतास की भास... कवयित्री मनिषा भिसे

 अलिबागच्या बदलाचा बिगुल! शेकापच्या अकार्यक्षमतेवर भाजपचा हल्लाबोल — विकासाचा नवा संकल्प

अलिबाग हद्दवाढ आणि पाणीटंचाई समाधान—भाजपचा ठोस निर्धार

रायगड - अमुलकुमार जैन 

अलिबाग नगरपालिका निवडणूक अंतिम टप्प्यात पोहोचत असताना भाजपने आज जोरदार शक्तिप्रदर्शनासह मोठ्या घोषणा करत निवडणुकीचा केंद्रबिंदू आपल्या बाजूला खेचला आहे. शेकापच्या दशकभराच्या अकार्यक्षमतेवर थेट निशाणा साधत, अलिबागच्या परिवर्तनासाठी भाजपने हद्दवाढ, घरपट्टी माफी, सांबरकुंड धरण पूर्णत्वास नेणे आणि पाणीटंचाईचा कायमस्वरूपी तोडगा अशा महत्त्वाच्या घोषणांची मालिका केली.

भाजप दक्षिण रायगड जिल्हा कार्यालयात झालेल्या पत्रकार परिषदेत निवडणूक प्रमुख सतीश धारप यांच्यासह ज्येष्ठ नेते गिरीश तुळपुळे, आस्वाद पाटील, जिल्हा महामंत्री अॅड. महेश मोहिते, महिला मोर्चा अध्यक्षा चित्रा पाटील, तसेच भाजपचे नगराध्यक्षा पदाचे उमेदवार तनुजा पेरेकर आणि सर्व प्रभागांचे उमेदवार मोठ्या संख्येने उपस्थित होते.

शेकापवर धारपांचा थेट वार : "अलिबाग एका घराच्या ताब्यात ठेवले गेले"

पत्रकार परिषदेत बोलताना धारप म्हणाले—

"अलिबागकरांना एका घरात सत्ता नको आहे. मर्यादित जणाधाराला कोंडणात ठेवून लोकप्रियतेचा आभास निर्माण केला गेला. राजकीय इच्छाशक्तीच्या अभावामुळेच नगरपालिकेची हद्दवाढ १० वर्षे प्रलंबित ठेवली गेली."

त्यांच्या मते, हद्दवाढ न झाल्यामुळे कचरा व्यवस्थापन, पाणीपुरवठा, उद्याने, क्रीडांगणे अशी सर्व मूलभूत कामे अडकली. भाजपने आता ही ‘गुंतवणूक’ मोडून शहराच्या विकासाची दारे उघडण्याचा संकल्प केला आहे.

हद्दवाढीमुळे A-श्रेणी नगरपालिका आणि घरपट्टी माफी

धारपांनी स्पष्ट केले की—

हद्दवाढीनंतर नगरपालिकेला अ-श्रेणी दर्जा मिळेल,

कोट्यवधींच्या अतिरिक्त निधीची उपलब्धता निर्माण होईल,

शहराचे आर्थिक उत्पन्न वाढेल,

आणि याच आर्थिक बळावर महायुतीची पहिलीच महासभा घरपट्टी माफीचा ऐतिहासिक निर्णय घेईल.

पाणीटंचाईचा मोठा मुद्दा — सांबरकुंड धरण पूर्णत्वास

भाजपने अलिबागच्या पाणीटंचाईचा मुख्य आधार असलेल्या सांबरकुंड धरणाला प्राधान्य दिले आहे. धारप म्हणाले—

"भाजप–सेना–राष्ट्रवादी महायुती सरकारने धरणाचा निधी मंजूर केला तरी साम्यवादी विचारसरणीमुळे पुनर्वसनात अडथळे आणले गेले. ही अडथळ्यांची शर्यत पार करून धरण पूर्ण करणार आहोत."

हे धरण पूर्ण झाल्यास—

अलिबाग शहर,

अर्धा मुरुड तालुका,

अर्धा रोहा तालुका

…यांचा पिण्याच्या पाण्याचा प्रश्न कायमचा सुटणार आहे.

परिवारवादाला नाही, विकासाला होकार—भाजपचे नवे चेहरे मैदानात

भाजपने या निवडणुकीत तटस्थ, नवीन आणि सामान्य घरातील उमेदवारांना संधी देत

"परिवारवादाच्या विरोधात आमची भूमिका स्पष्ट"

अशी घोषणा केली.