मुंबईत गोरेगाव येथील फिल्म सिटीजवळ भीषण आग; अग्निशमन दलाच्या १४ गाड्या घटनास्थळी; अनेक झोपड्या जळून खाक
मुंबई(वार्ताहर)
मुंबईच्या पश्चिम उपनगरात असलेल्या गोरेगाव पूर्वेत भीषण आग लागलेली आहे. फिल्मसिटीच्या गेटजवळ असलेल्या संतोष नगर भागात आगडोंब उसळला आहे. घटनेची माहिती मिळताच अग्निशमन दलाच्या १४ गाड्या संतोष नगर परिसरात पोहोचल्या. सुदैवानं या दुर्घटनेत कोणतीही जीवितहानी झालेली नाही.
आग विझवण्यासाठी अग्निशमन दलाचे प्रयत्न सुरु आहेत. आग लागण्यामागील नेमकं कारण अद्याप समजू शकलेलं नाही. गोरेगाव येथे लागलेल्या या आगीत सुदैवाने कोणतीही जीवितहानी झालेली नाही. आग विझवण्याचे अग्निशमन दलाचे शर्थीचे प्रयत्न सुरू आहेत. मात्र या आगीचे कारण अद्याप समजू शकले नाही. संतोष नगर भागातील घरांमध्ये असलेल्या सिलिंडरचे एकापाठोपाठ स्फोट होत गेले आणि आग झपाट्याने वाढत गेली. या आगीत अनेक झोपड्या जाळून खाक झाल्या असल्याचे समजते.
आग लागल्याचे समजताच येथील नागरिक तातडीने बाहेर पडले त्यामुळे मोठा अनर्थ टळला आहे. फिल्मसिटीजवळ असलेल्या संतोष नगर परिसरात झोपडपट्टीत आग लागल्याची घटना घडली. घरांमध्ये असलेल्या सिलिंडरचे एकापाठोपाठ स्फोट होऊ लागल्यानं आग झपाट्यानं वाढत गेली. अनेक झोपड्या आगीच्या भक्ष्यस्थानी पडल्या. 'अग्निशमन दलाकडून आग विझवण्याचे प्रयत्न सुरु आहेत. सर्व संबंधित यंत्रणांना अलर्टवर ठेवण्यात आलेलं आहे. घटनास्थळी गरज लागल्यास एक रुग्णवाहिकादेखील सज्ज ठेवण्यात आलेली आहे,' अशी माहिती अग्निशमन दलाच्या एका अधिकाऱ्यानं पीटीआयला दिली.
