*पुण्यश्लोक अहिल्याबाई होळकर*
कर्तृत्ववान तेजस्विनी अशी नारी
पुण्यश्लोक अहिल्याबाई होळकर
शिवभक्तीच्या जोरावरती महाराणीने
राज्य केले अवघ्या रयतेच्या मनावर १
जनकल्याण्याचा ध्यास मनी अविरत
यथोचित न्यायदानासाठी सुपरिचित
आश्रयदात्री कैक मंदिराची होऊनिया
महेश्वर, इंदूर यांस करविले सुशोभित २
समाजहितार्थ सार्वत्रिक वावरताना
आज पुण्यश्लोक म्हणुनी गौरवान्वित
रोजगाराच्या योग्य उपलब्धतेसाठी
असंख्य योजना केल्या कार्यान्वित३
पाण्याच्या मुबलक प्रमाणाकरिता
विहिरींची कामे जाती पूर्णत्वाला
समाजहित डोळ्यांपुढती राखत
प्रवर्तक लाभल्या मंदिराला ४
जाणीव कर्तव्याची अंतरात जागृत
रोजगाराच्या संधी करविल्या उपलब्ध
सुवर्णकाळाची क्षणचित्रे आठवताना
कौतुकाने खचित मन होतसे स्तब्ध५
पुण्यश्लोक महाराणी अहिल्याबाई
करावे चरणी विनम्र अभिवादन
मुजरा स्तुत्य सत्कार्याकरिता
मंदिरास अर्पण ज्यांचे जीवन ६
*सचिन पाटील*
*(अलिबाग रायगड)
