कोसुंबमधील श्री शिवाजी माध्यमिक विद्यालयाचे जिल्हास्तरीय दिव्यांग क्रीडा स्पर्धेत यश; कु. आदिती पंडीत हिने पटकावले ब्रांझ पदक
देवरुख(वार्ताहर)
संगमेश्वर तालुक्यातील कोसुंबमधील श्री शिवाजी शिक्षण उत्तेजक मंडळ संचलित श्री शिवाजी माध्यमिक विद्यालयाने जिल्हास्तरीय दिव्यांग क्रीडा स्पर्धेत यश मिळवले असून विद्यार्थीनी कु. आदिती शाम पंडीत हिने दिव्यांग जिल्हास्तरीय क्रीडा स्पर्धेत ब्रांझ पदक मिळवून यश संपादन केले आहे.
समाजकल्याण विभागातर्फे गुरुवारी आयोजित दिव्यांग जिल्हास्तरीय विविध क्रीडा स्पर्धांचे आयोजन करण्यात आले होते. जिल्हाभरातील बहुसंख्य विद्यार्थी या स्पर्धेत सहभागी झाले होते. श्री शिवाजी माध्यमिक विद्यालय कोसुंब शाळेतील कु. शौर्य अजित जाधव, कु. यश संजय नलावडे. कु. आदिती शाम पंडीत या विद्यार्थ्यांनी या स्पर्धेत सहभाग घेतला होता. सदर स्पर्धेत इयत्ता सातवी मध्ये शिकणारी कु. आदिती शाम पंडीत हिने १००मीटर धावणे या क्रीडा प्रकारात तृतीय क्रमांक पटकावला. तिच्या या यशाबद्दल संस्थेचे चेअरमन श्री नामदेवराव जाधव, प्रशालेचे मुख्याध्यापक श्री राऊत पी. डी. संस्थेचे सर्व पदाधिकारी, सर्व शिक्षक, शिक्षकेत्तर कर्मचारी यांनी अभिनंदन केले व पुढील वाटचालीसाठी शुभेच्छा दिल्या. यासाठी तिला प्रशालेचे मुख्याध्यापक श्री राऊत सर तसेच तिच्या पालकांचे मार्गदर्शन लाभले.
